5 საკულტო ავტომანქანა ფილმებიდან
ფილმებში უმნიშვნელოვანეს როლს თამაშობს საგნები, ვიზუალები, ნივთები . ხშირად, მაყურებლებს პერსონაჟებზე და სცენარზე მეტად სწორედ საგნები ამახსოვრდებათ. ფაქტობრივად, ყველა ფილმში ვხედავთ ავტომანქანებს, თუმცა მათგან მხოლოდ რამდენიმეა ისეთი, რომლებმაც კინომოყვარულებში წარუშლელი შთაბეჭდილება დატოვა. წარმოგიდგენთ 5 საკულტო ავტომანქანას კინოფილმებიდან.
5) ჯეიმს ბონდი (Goldfinger) – 1964 წლის Aston Martin DB5
ჯეიმს ბონდის სერიის ფილმებში ავტომანქანებს ყოველთვის დიდი ყურადღება ექცევა. შონ კონერის მიერ განსახიერებული ჯეიმს ბონდი ერთ-ერთი ყველაზე საკულტო პერსონაჟია კინოს ისტორიაში, მისი ავტომანქანაც სწორედ ისეთივე საკულტოა, როგორც პერსონაჟი. 1964 წლის Aston Martin DB5 იმ დროის ერთ-ერთი ყველაზე დახვეწილი და მდიდრული მანქანაა.
4) უკან მომავალში (Back to the Future) – DeLorean DMC-12 Time Machine
უკან მომავალში მეოცე საუკუნის ერთ-ერთი ყველაზე პოპულარული და საკულტო სამეცნიერო ფანტასტიკაა. მარტისა და ემეტის დროში მოგზაურობის წარმოდგენა შეუძლებელია მათი შეუცვლელი ავტომანქანის – DeLorean DMC-12 Time Machine-ის გარეშე.
3) პატარა მის ბედნიერება (Little miss sunshine)- 1971 Volkswagen T2 Microbus
პატარა მის ბედნიერება 2000-იანების ერთ-ერთი ყველაზე წარმატებული საოჯახო დრამაა. უცნაური ოჯახი მოგზაურობაში 1971 წლის Volkswagen T2 Microbus-ით მიდის. ავტომანქანა იდეალურად გადმოსცემს ოჯახის ხასიათს და ფაქტობრივად ფილმის პერსონაჟი ხდება. ფილმის საკულტო სცენაც, სადაც მთელი ოჯახი ცდილობს დაძრულ მანქანაში შეხტომა მოასწროს, სწორედ ამ ძველმოდურ მანქანას უკავშრდება.
2) ფორსაჟი (Fast & Furious) – 1970 Dodge Charger
წარმოუდგენელი იქნებოდა ამ სიაში არ გვეხსენებინა ავტომოყვარულთა საყვარელი საკულტო ფილმთა სერია – ფორსაჟი. ფორსაჟში ბევრი კარგი ავტომანქანა გვინახავს, თუმცა მათ შორის ყველაზე დასამახსოვრებელი 1970 წლის საკულდო Dodge Charger-ია. მისი ვიზუალური და ტექნიკური მახასიათებლები იდეალურად ერგება ფილმს.
1) ტაქსი (Taxi) – 997 Peugeot 406
ტაქსი 2000-იანების ერთ-ერთი ყველაზე პოპულარული ფრანგული ფილმია. იუმორითა და მძაფრი სიუჟეტებით დატვირთული ფილმის ცენტრში ექსცენტრიული ფრანგი ტაქსისტი დგას. ყველაზე სწრაფი ტაქსისტი კლიენტებს 997 Peugeot 406-ს ემსახურება. ერთი შეხედვით ჩვეულებრივი თეთრი პეჟოსგან რეჟისორი საკულტო ავტომანქანას ქმნის.
